18 fevral Qriqorian təqvimində ilin 49-cu günüdür. Bu tarixdə ilin sonuna 316 (uzun ildə 317) gün qalır. XX və XXI əsrlərdə Yuli təqvimi ilə 5 fevral tarixinə uyğun gəlir.
Əhəmiyyətli hadisələr: 1930-cu ildə Klayd Tambo Yanvar ayında çəkilmiş fotoşəkilləri araşdırarkən Plutonu kəşf edib. 1960-cı ildə VIII Qış Olimpiya Oyunları Palisades Tahoda keçirilib.
Doğumlar: 1201-ci ildə Azərbaycan filosofu və astronomu Nəsirəddin Tusi; 1516-cı ildə İngiltərə və İrlandiya kraliçası I Mariya; 1626-cı ildə İtaliya həkimi Françesko Redi; 1745-ci ildə İtaliya fiziki Alessandro Volta; 1838-ci ildə Avstriya fiziki Ernst Max; 1898-ci ildə İtaliya motor yarışı sürücüsü və sahibkarı Enzo Ferrari; 1924-cü ildə Azərbaycan aktyoru Osman Hacıbəyov; 1931-ci ildə ABŞ yazıçısı Toni Morrison; 1933-cü ildə İngiltərə futbolçusu və baş məşqçisi Bobbi Robson və Yaponiya rəssamı Yoko Ono; 1952-ci ildə ABŞ tarixçisi Ceyms Meys; 1954-cü ildə ABŞ aktyoru Con Travolta; 1956-cı ildə Gürcüstan baş naziri Bidzina İvanişvili; 1961-ci ildə Almaniya siyasətçisi Armin Laşet; 1965-ci ildə ABŞ repçisi Dr. Dre; 1975-ci ildə Moldova prezidenti İqor Dodon; 1980-ci ildə Rumıniya müğənnisi Çezar; 1989-cu ildə Azərbaycan giziri Vahid Əliyev; 1994-cü ildə Cənubi Koreya repçisi J-Hope; 2001-ci ildə Azərbaycan əsgəri, Vətən Müharibəsi Qəhrəmanı Azər Abdullazadə.
Ölümlər: 901-ci ildə Mesopotamiya riyaziyyatçısı Sabit ibn Kurra; 1294-cü ildə Monqol imperiyası xaqanı Xubilay xan; 1405-ci ildə Teymurilər əmiri Əmir Teymur; 1546-cı ildə Almaniya keşişi və ilahiyyatçısı Martin Lüter; 1564-cü ildə İtaliya heykəltəraşı, boyakarı, memarı və şairi Mikelancelo; 1780-ci ildə Prusiya şairi Kristionas Donelaytis; 1937-ci ildə Gürcüstan siyasətçisi Serqo Orconikidze; 1963-cü ildə Azərbaycan opera müğənnisi Əli Zülalov; 1967-ci ildə Gürcüstan sənət tarixçisi Rene Şmerlinq və ABŞ fiziki Robert Oppenheymer; 1985-ci ildə Azərbaycan aktyoru Əzizağa Qasımov; 2018-ci ildə Fransa caz skripkaçısı Didye Lokvud; 2021-ci ildə Rusiya aktyoru Andrey Myaqkov.
Bayramlar və xüsusi günlər: Qambiya – Müstəqillik Günü